Shqipëri – Presidenti Ilir Meta ka kritikuar deklaratat e kryeministrit Rama ndaj Bashkimit Europian lidhur me sigurimin e vaksinave anti-Covid, njofton Ora News
Në një postim në facebook, Kreu i Shtetit falenderon Unionin që sipas tij i ndihmuan shqiptarët gjatë kësaj periudhe të vështirë të pandemisë më shumë sesa qeveria e tyre.
Meta: FALEMINDERIT Bashkimit Europian për ndihmën gjatë pandemisë! I ndihmuan shqiptarët, më shumë se qeveria e tyre.
Nga ana tjetër Meta i kërkon qeverisë të bëjë transparencë lidhur me 975 dozat e vaksinës Pfizer të mbërritura në vendin tonë.
Meta: Qytetarët të informohen për vaksinën. Transparenca është thelbësore në demokraci. Me këtë pandemi të rrezikshme nuk ka vend për “sekrete”.Besueshmërinë e qytetarëve ndaj vaksinës e garanton transparenca, jo propaganda e qeverisë./ora24.tv/